Basha mbledh kryesinë e grupit parlamentar, pritet të diskutohet çështja “Berisha”

Kryetari i Partisë Demokratike, Lulzim Basha, ka mbledhur kryesinë e grupit parlamentar, një ditë para fillimit të punimeve të Kuvendit.

Në mbledhje pritet të diskutohet edhe çështja e Sali Berishës, të cilin SHBA e shpalli “non grata” dhe ambasadorja Yuri Kim kërkoi që ish-kryeministri i vendit të mos jetë pjesë e Kuvendit.

Gazetari i Euronews Albania, Ardit Hoxha thotë se në mbledhje janë edhe drejtuesit politikë në qarqe.

Ish-kryeministri Sali Berisha ka deklaruar publikisht se do të jetë nesër në Kuvend, ndërsa tha se do të vijojë betejën ligjore për të mbrojtur dinjitetin e tij pas vendimit të Departamentit Amerikan të Shtetit.

LEXONI GJITHASHTU: 

• Berisha: Nëse PD më përjashton do të bëj gjithçka për ta rikthyer partinë