Basha: Milva Ekonomi do të dorëhiqet… Reagon Rama: Hiq dorë

Kryetari i Partisë Demokratike, Lulzim Basha gjatë konferencës së sotme për mediat i ka çuar më tej akuzat ndaj qeverisë për aferë korruptive me incineratorët. Basha deklaroi para gazetarëve se, plani më i fundit i kryeministrit Edi Rama është që të komandojë në krye të Bashkisë së Durrësit, Milva Ekonomin pasi Emiriana Sako tha ai nuk pranon të firmosë për planin që plehrat e Durrësit të dërgohen tek inceneratori i Tiranës.

“Për incineratorët po bëhet gati që ta shkarkojë për herë të pestë apo të gjashtë kryetaren e Bashkisë së Durrësit, se nuk pranon zonja që nuk ia dimë emrin se i ndërrojnë më shpesh se shefja e kadastrës së Vlorës. Nuk pranon që të firmosë një aferë qindra milionëshe për të çuar lekë tek inceneratori i Tiranës dhe po bëjnë gati Milva Ekonomin që të japë dorëheqjen si deputete dhe të komandohet atje që të firmosi dhe të vjedhin prapë para me inceneratorët. Ky është plani, a do ta ndryshojë pas denoncimit tim, kjo mbetet për t’u parë. Bëhet fjalë për të paktën 100 mln $”, deklaroi z. Basha.

Për këtë akuzë, kryeministri Rama ka reaguar në “Twitter” duke thënë se, PD është partia e kaosit urban dhe ndaj nuk i mbështet inceneratorët e ngritur për të përpunuar mbetjet urbane në qytetet kryesore të vendit.

“Lulëzim, unë e di që Partia Demokratike ka një marrëdhënie fiziologjike me kaosin urban dhe mbeturinat, jo vetëm sepse një mbeturinë të komunizmit dhe një rrëmujaxhi patologjik e ka lider prej 30 vjetësh, po edhe sepse kurdo e kudo ka qeverisur plehrat i ka pasur male krenare!…

Lulëzim, unë e di që Partia Demokratike ka një marrëdhënie fiziologjike me kaosin urban dhe mbeturinat, jo vetëm sepse një mbeturinë të komunizmit dhe një rrëmujaxhi patologjik e ka lider prej 30 vjetësh, po edhe sepse kurdo e kudo ka qeverisur plehrat i ka pasur male krenare!…

— Edi Rama (@ediramaal) October 14, 2020

Por do ti s’do ti, doni ju s’doni ju, Shqipëria e Rilindjes Urbane dhe e fushave sanitare të përpunimit teknologjik të mbetjeve nuk do të ndalet deri kur në asnjë cep të shtëpisë sonë të përbashkët të mos digjen e mos kalben plehra, sepse mesjeta juaj ka vdekur e s’kthehet më!…

Prandaj Lulëzim hiq dorë nga nostalgjia për mbeturinat që ke mbi krye e mbi supe dhe harroje se duke sharë, akuzuar, shpifur do ta kthesh Tiranën, Durrësin, Elbasanin, Fierin e Shqipërinë, në epokën e vargmaleve të turpshme me plehra në emër të popullit që mezi të pret në 25 prill”, shprehet z. Rama.

Pas këtij reagimi të kryeministrit, Lulzim Basha i është përgjigjur sërish në rrjetet sociale duke thënë se deri tani qeveria ka paguar 75 milionë euro për inceneratorët. “75 milionë euro për mafien e plehrave ka paguar Edi Rama, nga lekët e shqiptarëve. Asnjë kacidhe për 100 mijë të papunë, për pensionistët, për mjekët dhe infermierët, për sipërmarrjen drejt kolapsit. Boll me vjedhje e me kakarisje gënjeshtrash dalë boje. Zbato planin me 5 pika! Tani!”, shprehet kreu i opozitës.

75 milionë euro për mafian e plehrave ka paguar Edi Rama, nga lekët e shqiptarëve.Asnjë kacidhe për 100 mijë të papunë, për pensionistët,për mjekët dhe infermierët, për sipërmarrjen drejt kolapsit.Boll me vjedhje e me kakarisje gënjeshtrash dalë boje.Zbato planin me 5 pika! Tani!

— Lulzim Basha (@lulzimbasha_al) October 14, 2020