Basha në Kavajë: Do të anulojmë procesin e fiskalizimit e do të jemi pranë bizneseve

Stacioni i parë i Kryetarit të Partisë Demokratike, pas dorëzimit të listave, ishte bastioni i demokratëve ndër vite, qyteti i Kavajës.

Gjatë kësaj vizitë Basha nuk e ka fshehur entuziazmin për pritjen e bërë. Kryedemokrati u takua me qytetarë dhe biznese, ku dëgjoi shqetësimet e tyre dhe i njohu me zgjidhjet që opozita propozon.

“Jemi me një plan serioz pune me të cilin do bëjmë të mundur t’u vijmë në ndihmë familjeve shqiptare dhe bizneseve shqiptare. Do keni një qeveri në lartësinë e duhur për t’iu përgjigjur shpresave dhe aspiratave”, tha Basha.

Lideri i opozitës, Lulzim Basha premtoi se do ta anulojë procesin e fiskalizimit, i cili sipas bizneseve i shton kostot dhe ul përfitimet e tyre.

“Do të anulojmë procesin e fiskalizimit e do të jemi pranë bizneseve”, theksoi Basha gjatë takimit me qytetarët e Kavajës.