Basha në Kombinat: Rama ka pranuar humbjen, ndaj kërkon bashkëqeverisje

Kreu i demokratëve, Lulzim Basha e konsideron ftesën e kundërshtarit si humbje në tavolinë, dhe refuzon të bashkëpunojë.

Nga Kombinati, ku po vijon fushatën, Basha tha se Shqipëria do të zhvillohet vetëm me largimin e tij nga pushteti.

“Edhe Edi Rama e di që shqiptarët ia kanë mbyllur derën, e ka pranuar humbjen, kërkon të bashkëqeverisë me ne. Dua t’i them nga Kombinati që nuk ka ndryshim për shqiptarët pa u larguar Edi Rama. Ndryshimi do të vijë përmes përkushtimit, Aleancës për Ndryshim”, tha Basha.

Duke folur para simpatizantëve të PD në njësinë 6, kryedemokrati  tha se po sheh tek njerëzit padurimin për të ndryshuar kursin e vendit.

“Ata do të jenë gati për të qenë brezi i Evropian i Shqipërisë Evropiane. nevojën për ndryshim e ndjej kudo. Varg i gjatë njerëzish, automjetesh, që janë bërë bashkë për të shprehur padurimin. U kërkoj ndjesë atyre që përjetojnë ngecje për trafikun, e i garantoj se ngecja e Shqipërisë merr fund më 25 prill. Do e hapim rrugën drejt BE, do e bëjmë të gjithë së bashku, sepse kemi një plan, që në qendër ka familjen”,  shtoi Basha.

Kryedemokrati Basha bisedoi veçmas edhe me banorë të zonës duke i ftuar të votojnë në 25 prill për numrin 9 në fletën e votimit.

Lexoni gjithashtu: 

Bashkëpunim Rama-Basha? Analistët zbërthejnë mesazhin e ftesës së kryeministrit

Rama përsërit ftesën për bashkëpunim për Bashën, por me një kusht