Basha pas takimit me senatorët amerikanë: Diskutuam për demokracinë në vend dhe zhvillimet në rajon

Lulzim Basha priti në selinë blu një delegacion nga senati amerikan. Në takim ishin Robert Karmen, Paul Grove, Mike Levine, ALex Macfarlane dhe Tobei Arai. Gjithashtu, e pranishme ishte edhe ambasadorja e SHBA në Shqipëri, Yuri Kim.

Pas takimit, kryedemokrati deklaroi se u diskutuan dy çështje që kanë të bëjnë me rolin e partisë demokratike dhe të opozitës shqiptare në parlament si dhe për zhvillimet rajonale.

“Çështja tjetër, se s do ta quaja të dytë se mori një pjesë po kaq të rëndësishme të bisedës, ka të bëjë me rajonin dhe në veçanti sa i përket situatës së provokuar nga ringjallja e planeve hegjemoniste serbe përmes proceseve si ai i Novisadit dhe nevojës për të përforcuar praninë politike dhe të gjithanshme amerikane për të ndalur dhe kundërvënë çdo ofensive të forcave joperëndimore ndaj arritjeve 30 vjeçare të ShBA-ve”, u shpreh Lulzim Basha.