Basha për “Open Balkan”: Shqipëria duhet të mbështesë interesin e Kosovës

Kryetari i Partisë Demokratike, Lulzim Basha krahas akuzave për keqqeverisje ndaj PS, u ndal edhe tek iniciativa e “Open Balkan”.

Ai kërkoi shpjegime nga kryeminsitri Edi Rama, mbi rrethanat që e detyrojnë atë të mbështesë kaq shumë një iniciativë të tillë, që sipas Bashës burimin kryesor e ka në Novi Sad të Serbisë.

“Çfarë e motivon përbuzjen e Procesit të Berlinit, të iniciuar nga Gjermania që ka mbështetjen e BE? Çfarë të detyron të investohesh kaq fort në një iniciativë paralele të krijuar në Novi Sad, që autoritetin më të lartë ka Aleksandër Vuçiç. Juve nuk u intereson bashkëpunimi rajonal”, tha Basha.

Për kryedemokratin bashkëpunimi rajonal nuk nis nga Novi Sadi, por nga Mitrovica. Ai theksopi se detyra kryesore e Shqipërisë është të mbështesë interesin e Kosovës në çdo rrethanë.

“Bashkëpunim rajonal nuk nis nga Novi Sadi, por nga Mitrovica. Shqipëria ka një detyrë: të mbështesë Kosovën, sepse për Shqipërinë nuk është e mirë ajo që nuk është e mirë për Kosovën”, tha kryedemokrati Basha.