Basha reagon pas shpalljes së kabinetit të ri qeveritar

Kryetari i Partisë Demokratike Lulzim Basha ka reaguar pas Asamblesë së Partisë Socialiste, ku kryeministri Edi Rama shpalli emrat e kabinetit të ri qeveritar për mandatin e tretë qeverisës.

Përmes një statusi në faqen e vet në Faceook, kryedemokrati e cilëson kreun e qeverisë, Edi Rama shkatërrues të bashkëjetesës demokratike dhe përgjegjës për kriminalizimin e vendit, i cili sipas tij ‘mund të recitojë për të gënjyer veten, por nuk gënjen dot shqiptarët për masakrën zgjedhore’.

Për kreun e PD, OSBE/ODIHR vërtetoi se në 25 prill zgjedhjet nuk ishin të lira dhe demokratike dhe u shoqëruan me blerjen masive të votave dhe presionin ndaj votuesve.

“Për Partinë Demokratike, raporti i OSBE/ODIHR nuk është vetëm konfirmim i asaj që ne kemi denoncuar dhe që shqiptarët kanë përjetuar prej këtij regjimi të korruptuar, i cili ka vrarë votën e lirë dhe bashkë me të demokracinë, por një udhërrëfyes për aksionin tonë brenda dhe jashtë vendit, për t’iu kthyer shqiptarëve të drejtën për të pasur një qeveri që buron nga vullneti i tyre i lirë, jo nga krimi dhe korrupsioni që e kanë lënë Shqipërinë në vend numëro për shumë gjatë”, shkruan kryedemokrati në Facebook.

LEXONI GJITHASHTU:

• Kush janë ministrat e rinj në qeverinë Rama 3
• Damian Gjiknuri Sekretari i ri i Përgjithshëm i PS, Rama zbulon emrat e sekretariatit të partisë
• Drejtuesit e rinj të Partisë Socialiste në qarqe