Basha shoqërohet me thirrje pro Berishës: Armiku i vetëm, Edi Rama

Kreu i PD, Lulzim Basha u shoqërua me brohoritje pro liderit historik të kësaj partie, Sali Berisha në rrugën e tij nga selia e PD drejt Kuvendit të Shqipërisë.

Kryedemokrati zgjodhi ta përshkonte në këmbë rrugën nga selia e PD ku më herët mblodhi grupin parlamentar demokrat drejt Parlamentit ku pritet të nisë seanca e parë e legjislaturës së 10. Disa qytetarë të mbledhur jashtë selisë së PD brohorisnin ‘Turp’ dhe ‘Rroftë Sali Berisha’.

Basha shoqërohej nga nga deputeti i Shkodrës Zef Hila dhe deputetja më e re e PD, Andia Ulliri.

 

View this post on Instagram

 

A post shared by Euronews Albania (@euronews_albania)

Në një prononcim për mediat pasi doli nga seanca plenare dhe iu drejtuar sërish në këmbë selisë së PD, kryedemokrati nuk preferoi të jepte asnjë koment lidhur me përjashtimin e Sali Berishës, ndërsa u shpreh se i vetmi armik i përbashkët i shqiptarëve është Edi Rama.

“Demokracia shqiptare e ardhmja e familjeve shqiptare ka vetëm një armik, Edi Rama dhe regjimi i tij i dalë nga zgjedhje të paligjshme, që PD nuk i njeh”, tha z. Basha.

Kryetari i PD-së Lulzim Basha njoftoi mbrëmjen e djeshme përjashtimin e Sali Berishës nga grupi parlamentar i PD-së deri sa të zbardhet në rrugë ligjore vendimi për padinë e ngritur nga ish-kryeministri ndaj Sekretarit amerikan të Shtetit, Antony Blinken.

LEXONI GJITHASHTU:

• “Pazar i turpshëm i Bashës me Ramën”, Berisha pritet me ovacione para Kuvendit
• Basha përjashton Berishën nga grupi parlamentar i PD-së