Mesazhi i Bashës për kritikët: Dora ime e shtrirë, por kurrë më nuk kthej faqen tjetër

Në fjalën e tij në Kuvendin e Partisë Demokratike, Lulzim Basha ftoi të gjithë anëtarët e partisë të bashkëpunojnë.

“Për të gjithë ata që e kuptojnë rrezikun që ky regjim përbën për demokracinë dhe ndër vite kanë kontribuar për Partinë Demokratike, kjo është dhe mbetet shtëpia juaj,” – tha Basha.

Ai nuk nguroi të jepte një mesazh për të gjithë ata që kanë parë më të arsyeshme të luftojnë kundër PD sesa Ramës.

“Dora ime do të mbetet përherë e shtrirë nëse doni t’i bashkoheni aksionit tonë dhe t’i ktheheni vlerave tona, por kurrë më nuk do të kthej faqen tjetër ndaj gjithë atyre që sakrificat e demokratëve i shpërdorojnë për inate personale apo për përfitime të përkohshme,” – deklaroi kryedemokrati.

Në Kuvendin e Partisë Demokratike janë miratuar ndryshimet në statutin e PD-së.

LEXONI GJITHASHTU: 

• Nis punimet Kuvendi Kombëtar i PD, Basha: Shqipëria u plaçkit në kohën e COVID
• “Masakra e 25 prillit, krim”, Basha: Beteja vijon në parlament
• Kuvendi Kombëtar i PD-së, demokratët do të zgjedhin 300 anëtarët e Këshillit Kombëtar