Basha vijon fushatën në Korçë, thirrje qytetarëve t’i prijnë ndryshimit

Kryetari i Partisë Demokratike, Lulzim Basha ishte sot në Korçë. I rrethuar nga simpatizantët demokratë, Basha tha se korçarët nuk po e presin ndryshimin, por po i prijnë atij.

Teksa u shpreh entuziast për pritjen që iu bë nga mbështetësit dhe veçanërisht të rinjtë, kreu i PD premtoi ndryshimin sipas tij të shumëpritur nga të gjithë shqiptarët.

“E di që e keni ndrydhur brenda zemrës dëshirën për ditën që po afron dhe njësoj si dielli nuk do të mbahet më  edhe ju nuk e përmbani dot më dëshirën për ndryshim.

Për një ndryshim rrënjësor që Korça dhe korçarët e presin prej kohësh, një ndryshim që do t’ju rikthej dinjitetin ju simbole të qytetarisë e të krenarisë tonë kombëtare. Ndaj ju falënderoj nga zemra! Ju nuk po e prisni ndryshimin, ju po i prini ndryshimit dhe kudo ku i prihet ndryshimit. Shqipëria ndryshon, Shqipëria fiton!” – tha Basha.