Bashkëshortja dhe vëllai i Veliaj ankimojnë kontrollin e BKH: Në shkelje të ligjit

Bashkëshortja e kryebashkiakut të Tiranës, Ajola Xoxa, ka ankimuar vendimin e Gjykatës së Posaçme për ushtrimin e kontrollit, lëvizje që erdhi pas kërkesës së SPAK.

Avokati mbrojtës i saj dorëzoi ankimin në Apelin e Posaçëm, ndërkohë që ankim bëri edhe vëllai i kryebashkiakut, Erion Veliaj, Arbër Veliaj.

Të dy avokatët pretendojnë se kontrollet janë bërë në shkelje të ligjit procedural për mungesë shkaku të ligjshëm.

Kontrollet u ushtruan ditën e premte me urdhër të prokurorit Ols Dado, ku agjentët e BKH sekuestruan celularin e Ajola Xoxës, si dhe ushtruan kontrolle në qendrën “Harabel”, ku Xoxa është bashkëthemeluese.

LEXONI GJITHASHTU:

• Reagon Veliaj: Jam i hapur ndaj drejtësisë, opozitarët të zhytur në llum
• Veliaj në SPAK/ Karamuço: Ja çfarë pritet tjetër nga hetimet