Baton Haxhiu: Kosova ka frikë se humbet sovranitetin duke hyrë në Open Balkan

“Open Balkan”, ka qenë sërish temë diskutimi mes analistëve Andi Bushati dhe Baton Haxhiu në emisionin “Shock” në Euronews Albania.

Sipas analistit Haxhiu kancelarja e Gjermanisë, Angela Merkel ka pasur një gjuhë të matur për këtë iniciativë duke mos dashur të dëmtojë interesat e tri vendeve që janë bërë pjesë e nismës.

Baton Haxhiu thotë se refuzimi i Kosovës për t’u bërë pjesë vjen për shkak të frikë se humbet një pjesë të sovranitetit të saj dhe shndërrohet më shumë në një zgjatim të Shqipërisë.

Andi Bushati duke rënë dakord me idenë se nga kjo nismë e pësojnë vendet e vogla, theksoi se ndaj Kosova, Mali i Zi dhe Bosnje-Hercegovina kërkojnë nisma që drejtuara nga Bashkimi Evropian.

Edhe pse e cilësoi dështim procesin e integrimit të Ballkanit Perëndimor dhe mungesën e liberalizimit të vizave për Kosovën, Bushati tha se për shkak se “Evropa është një katastrofë për shqiptarët, ne nuk duhet të biem në gjunjët e Vuçiçit”.