Baton Haxhiu: Nëse parlamenti voton reformën në drejtësi, i është përgjigjur Brukselit

Analisti Baton Haxhiu tha gjatë emisionit ‘Shock’ në Euronews Albania se nëse parlamenti shqiptar voton reformën në drejtësi, e ka kryer procesin e vet si shtet dhe i është përgjigjur Brukselit dhe Uashingtonit pozitivisht.

Sipas tij, fakti që Gjykata Kushtetuese ka krijuar vonesa në plotësimin me anëtarë lidhte me modelin e gabuar të vetingut të propozuar nga SHBA.

“Gjykata Kushtetuese nuk është plotësuar ende dhe ky nuk është gabim i reformës në drejtësi, është vendim i amerikanëve për ta nisur nga lart poshtë, është gabim. E kanë nisur për mirë, se realisht tek sistemi i drejtësisë reforma duhet të niste nga poshtë lart”, tha Haxhiu.