Yann Sommer është zyrtarisht portier i Bajernit të Mynihut. Firma me 34-vjeçarin është konfirmuar gjatë kësaj të enjteje, ku është bërë dhe prezantimi në ambientet e klubit. Tratativat mes dy skuadrave kanë zgjatur për më tepër se 1 muaj, teksa tashmë gjithçka është zyrtare, Sommer do të mbrojë portën e bavarezëve deri në vitin 2025.
Dëmtimi i Manuel Nojer bëri që bordi drejtues i Bayernit të hidhte sytë drejt merkatos për të transferuar një portier. Emri më i lakuar ishte ai i zviceranit, kjo dhe për faktin se 26-vjeçari Nybel, i huazuar tek Monaco, refuzon të kthehet në Mynih.
Në një situatë të tillë, gjermanët duhet të vepronin shpejt, teksa zyrtarizimi i Sommer duket një hap i mirë. Edhe pse në moshën 33-vjeçare, Yann Sommer gëzon një formë të jashtëzakonshme. Gardiani shkëlqeu në kupën e botës me kombëtaren helvete, duke zhvilluar paraqitje shumë të mira. Po ashtu edhe tek Gladbahu ishte pjesë e formacionit bazë, ku kishte fituar besimin e drejtuesve. Bayerni i Mynihut ka pasur gjithmonë probleme në portë, pas dëmtimeve të shpeshta të Nojer. Tashmë gjithçka duket se është zgjidhur dhe gjermanët do të luftojnë për fitimin e trofeve.
LEXONI GJITHASHTU:
- Bayern përjashton sërish mundësinë për transferimin e Cristiano Ronaldos
- Hidhet shorti në Champions, Bayern përballet me Parisin, Liverpool ‘rigjen’ Realin
