Debate të ashpra mbi emigracionin u verifikuan në samitin e BE-së në Granada. Polonia dhe Hungaria kundërshtojnë fuqishëm reformën që konsiderohet si zgjidhje e krizës aktuale. Kryeministri hungarez deklaroi se 27 vendet anëtare nuk do të arrijnë dot një kompromis.
“Nuk do të ketë marrëveshje për emigracionin pasi më herët vendosëm se kjo çështje do të zgjidhet në mënyrë të njëanshme, gjë që u ndryshua në takimin e fundit. Polonia dhe Hungaria nuk ishin të kënaqura me propozimet, por ata na përfshinë. Dy vendet u lanë jashtë, ndaj pas kësaj nuk ka shanse për arritjen e ndonjë kompromisi apo marrëveshjeje për emigracionin. Politikisht është e pamundur. Jo sot, por në përgjithësi”, tha Viktor Orban, kryeministër i Hungarisë.
Edhe presidenti polak Andrej Duda përsëriti se Varshava do t’i thotë ‘jo’ reformës.
“Në mënyrë të qëndrueshme, ne do t’i themi jo asaj. Jemi kundër saj dhe bashkë me kryeministrin do të dalim me këtë qëndrim sot dhe nesër në të gjitha takimet ndërkombëtare në të cilat do të marrim pjesë”, u shpreh Duda.
LEXONI GJITHASHTU:
