BE dhe NATO dënojnë ashpër sulmin në Rusi ku u vranë 140 persona

Sulmi i mbrëmshëm në periferi të Moskës në Rusi, duket se ka tronditur edhe njëherë botën. Reagime kanë ardhur nga figurat më të rëndësishme të globit të cilët e kanë dënuar me ashpërsi këtë ngjarje të rëndë ku sipas BBC, humbën jetën 133 persona ndërsa janë plagosur mbi 140.

Shefi i politikës së BE-së, Josep Borrell, ka shpërndarë një postim në X, (i njohur më parë si Twitter), duke dënuar “sulmin e urryer të kryer jashtë Moskës mbrëmë”. Ai vazhdon duke thënë se “terrorizmi ka shënjestruar përsëri njerëzit e pambrojtur. Komuniteti ndërkombëtar duhet të qëndrojë i bashkuar fort kundër plagës së terrorizmit”.

Presidentja e Komisionit të BE-së, Ursula von der Leyen gjithashtu ka “dënuar fuqishëm” sulmin kundër civilëve “të pretenduar nga Shteti Islamik” në një postim në X. “Mendimet e mia janë me viktimat dhe familjet e tyre gjatë kësaj kohe tragjike. “shton ajo

“Ne dënojmë pa mëdyshje sulmet që synojnë pjesëmarrësit e koncerteve në Moskë. Asgjë nuk mund të justifikojë krime të tilla të tmerrshme. Ngushëllimet tona më të thella për viktimat dhe familjet e tyre”,-tha zëdhënësja e NATO-s Farah Dakhlallah në një postim në X.

Kryeministri i Polonisë, Donald Tusk , ka thënë në X se vendi i tij “dënon fuqishëm sulmin brutal” dhe shpreson se “kjo tragjedi e tmerrshme nuk do të bëhet pretekst për askënd që të përshkallëzojë dhunën dhe agresionin”.

 Rexhep Tajip Erdogan, presidenti i Turqisë gjithashtu e ka dënuar ashpër sulmin dhe i ka dërguar ngushëllime “popullit dhe qeverisë ruse”.

LEXONI GJITHASHTU:

• Pamjet brenda masakrës në sallën e koncerteve në Moskë, si u vranë 140 persona
• Çfarë dihet nga sulmi me 140 të vrarë në Moskë, arrestimet e FSB dhe reagimi i ISIS