BE i jep fund betejës ligjore me AstraZeneca-n për vonesat me vaksinat

Bashkimi Europian ka përfunduar mosmarrëveshjet e saj ligjore me AstraZeneca, duke njoftuar sigurimin e shpërndarjes së dozave të mbetura të vaksinës në vendet e BE-së.

Këtë javë BE arriti pragun prej 70% të vaksinimit të plotë të popullsisë së rritur, por Komisionerja e Shëndetësisë, Stella Kyriakides tha se “ka dallime të konsiderueshme në normat e vaksinimit midis shteteve tona anëtare”, duke shtuar se “disponueshmëria e vazhdueshme e vaksinave, përfshirë ato të AstraZeneca, mbetet vendimtare”.

AstraZeneca u zotua të japë një total prej 300 milionë doza deri në mars 2022.

Në prill, BE filloi veprimet ligjore kundër AstraZeneca për shkeljen e pretenduar të kontratës në lidhje me shpërndarjen e vaksinës së saj kundër koronavirusit.

AstraZeneca ishte angazhuar të furnizonte 180 milionë doza në BE në tremujorin e dytë të 2021, por u përball me vonesa të shumta në dërgesat.

Vaksina ishte një pjesë kryesore e planit të vaksinimit të bllokut. Ajo është më e lirë dhe më e lehtë për t’u përdorur sesa Pfizer dhe Moderna. Gjithashtu është miratuar për përdorim në mbi 50 vende.

LEXONI GJITHASHTU:

• ‘Jepjani vendeve që janë prekur më shumë nga pandemia’, Koreja e Veriut refuzon vaksinat
• Rreziku i mpiksjes së gjakut nga vaksinat është shumë më i ulët sesa nga infektimi me COVID, thotë studimi britanik
• Koha për të zbuluar origjinën e COVID-19 po mbaron, paralajmërojnë shkencëtarët e OBSH-së