BE i kërkon ndihmë Kinës për bindur Rusinë të heqë dorë nga Ukraina

Shefi i Bashkimit Evropian, Chareles Michel, tha se blloku pret që Kina të “përdorë të gjitha mjetet që ka në dispozicion” për të shtyrë Moskën që të respektojë ligjin ndërkombëtar.

Këto deklarata të Michel vijnë disa ditë para mbajtjes së samitit të G20-s në Bali, ku pritet që temë qendrore të jetë konflikti në Ukrainë.

Presidenti i Këshillit Evropian i bëri këto komente gjatë margjinave të samitit në Kamboxhia, ku ministri i Jashtëm ukrainas, Dmytro Kuleba, u bëri thirrje liderëve të Azisë Juglindore që të mbështesin Kievin.

Përderisa Kina mbetet një partnere e madhe tregtare e BE-së, zyrtarët evropianë vazhdimisht i kanë bërë thirrje Pekinit që publikisht të dënojë veprimet e Rusisë, por deri më tani Kina nuk e ka dënuar pushtimin e paprovokuar rus të Ukrainës.

LEXONI GJITHASHTU:

• Scholz i kërkon Kinës t’i bëjë presion Rusisë që t’i japë fund luftës në Ukrainë
• Ankesa nga Moska, bisedime mes Rusisë dhe OKB-së për eksportet e grurit