BE-ja jep dritën e gjelbër për t’i ndarë Hungarisë rreth 1 miliard euro

Ministrat e Financave të vendeve anëtare të Bashkimit Evropian, janë pajtuar për t’i ndarë 920 milionë euro për Hungarinë, në kuadër të fondeve për rimëkëmbje pas pandemisë së koronavirusit, dhe mes tensioneve të liderëve të BE-së me kryeministrin hungarez, Viktor Orban.

Ekzekutivi i BE-së e ka miratuar muajin e kaluar planin për Hungarinë, për shpenzim të 10.4 miliardë eurove për rimëkëmbje pas pandemisë, mirëpo lëshimi i pjesës më të madhe të fondeve, është pezulluar derisa Budapesti të përmbushë kushtet për zbatim të ligjit.

Megjithatë, rreth një milliard eurot nuk janë qenë të kushtëzuara, pati thënë zëdhënësja e Komisionit Evropian, Veerle Nuyts, më 23 nëntor.

Drita e gjelbër vjen pasi Orbani është akuzuar se ka gatishmëri për t’i vënë veton ndihmës së BE-së për Ukrainën, dhe ta pengojë nisjen e bisedimeve të Kievit për anëtarësim në bllokun evropian, në një samit që do të mbahet javën e ardhshme, nëse nuk i zhbllokohen fondet vendit të tij.

Ministrat e Financave janë takuar në Bruksel për fondet e 13 shteteve, përfshirë planin për Hungarinë në vlerë të 10.4 miliardë eurove, përfshirë 6.4 miliardë euro si grante dhe 3.9 miliardë euro si hua.

LEXONI GJITHASHTU:

• Orban: Hungaria është aktualisht vendi më i sigurt në Evropë
• World Press Photo, ekspozita me foto të LGBTQ+, Hungaria ndalon fëmijët nën 18 vjeç