BE ‘jo’ Ballkanit Perëndimor, Baton Haxhiu: Çështje ksenofobie si raporti me Turqinë

Për analistin Baton Haxhiu raportimet e fundit se BE nuk është më “pro” integrimit të Ballkanit Perëndimor është tregues i ksenofobisë që kultivojnë prej kohësh disa shtete anëtare. Ai tha se kjo i ngjan raportit që BE ka mbajtur me Turqinë.

“Unë mendoj se këtu ka një ksenofobi evropiane ndaj shteteve të Ballkanit, nuk ka të bëjë me korrupsionin, qeverisjen e keqe, këto janë arsye që e sjellin një diskurs ksenofob ndaj popujve të Ballkanit,” – tha Haxhiu në emisionin “Shock” në Euronews Albania.

Sipas Haxhiut kjo ksenofobi është e ngulitur edhe prej faktit se shumica e popujve të Ballkanit janë myslimanë.

Ai thotë se shumë shtete kanë qenë më mirë në procesin e integrimit se sa vende si Bullgaria, apo Rumania, mirëpo nuk kanë marrë trajtim të ngjashëm nga Bruskeli.

“Ose duhet të kesh kritere të njëjta për integrimin e vendeve, ose u thua haptazi që nuk do jeni pjesë, kjo gjuhë, kjo mënyrë e të folurit po më përngjan si me raportin e BE-së dhe Turqinë, që i kishin premtuar [integrimin] dhe ja ku jemi,” – vijoi Haxhiu.

LEXONI GJITHASHTU:

• BE diskuton kthimin e vizave, vendet anëtare të shqetësuara nga Shqipëria, Serbia dhe RMV
• BE nuk jep garanci për anëtarësimin e 6 vendeve të Ballkanit Perëndimor