BE kritikon Kinën për mbështetjen ndaj Rusisë në luftën kundër Ukrainës

Shefi i politikës së jashtme të Bashkimit Evropian, Josep Borrell, kritikoi Kinën për mbështetjen e Rusisë gjatë kohës së pushtimit të paprovokuar të Ukrainës dhe e quajti atë “një shkelje flagrante” të angazhimeve të Pekinit ndaj Kombeve të Bashkuara.

“Nuk mund të jetë në anën e agresorit”, tha Borrell para një udhëtimi drejt Pekinit të presidentes së Komisionit të BE-së, Ursula von der Leyen, dhe presidentit francez, Emmanuel Macron.

Duke qëndruar përkrah sekretarit amerikan të Shtetit, Antony Blinken, Borrell ishte tejet kritik ndaj Kinës, që ka lëvizur gjithnjë e më shumë nga një partner i BE-së në një rival në skenën globale.

Macron dhe Von der Leyen pritet ta paralajmërojnë Kinën që të mos i dërgojë më armatime Rusisë, gjatë bisedimeve me presidentin kinez Xi Jinping të enjten, 6 prill. Pak përpara vizitës, Von der Leyen pati një telefonatë me presidentin e Ukrainës Volodymyr Zelenskyy për koordinuar strategjitë.

LEXONI GJITHASHTU:

• “Lotët e Jakup Krasniqit na prekën të gjithëve” gazetari: Ja çfarë ndodhi në seancë
• Selimi në Hagë: Nuk kam frikë nga drejtësia, por nga padrejtësia
• 4 persona gjenden të vdekur pranë një hoteli në Kankun