BE përsërit mbështetjen për Ukrainën, Von der Leyen: Do jemi me ju aq sa duhet

Presidentja e Komisionit Evropian Ursula von der Leyen më 2 janar përsëriti mbështetjen e theksuar të Bashkimit Evropian për ukrainasit “për aq kohë sa duhet” për të penguar pushtimin 10-mujor të Rusisë.

Ajo bëri të ditur se e ka pasur telefonatën e parë për këtë vit me presidentin ukrainas, Volodymyr Zelensky.

“Unë i kam përcjellë popullit ukrainas mbështetjen time me gjithë zemër dhe urimet më të mira për vitin 2023”, shkroi von der Leyen në Twitter.

“BE qëndron pranë jush për aq kohë sa duhet”, shtoi ajo.

Ajo përmendi gjithashtu “ndihmë të fortë financiare” të vazhdueshme për Ukrainën dhe tha se shpërndarja e një pakete mbështetjeje prej 18 miliardë euro do të fillojë “së shpejti”.

LEXONI GJITHASHTU:

• Marrja e presidencës së BE-së nga Suedia vendimtare për Ukrainën
• Ukraina, një skenë krimi| Nën hetim 58 mijë krime të mundshme lufte