BE propozon 9 miliardë euro ndihmë për Ukrainën

Komisioni Evropian ka propozuar një ndihmë prej 9 miliardë euro në ndihmë të Ukrainës.

Shuma do të jetë në formën e grantit dhe huasë dhe do të shkojë për të rindërtimin e vendit por edhe për të mbajtur vendin me furnizime deri në fund të qershorit.

FMN përllogarit se Ukrainës i nevojiten 4.8 miliardë euro për operacione bazë, shkruan ‘The Guardian’.

BE deri tani i ka ofruar Ukrainës 4.1 miliardë euro që prej nisjes së pushtimit rus më 24 shkurt, ku përfshihen edhe ndihmat ushtarake.

Presidentja e KE-së, Ursula von der Leyen thotë se BE do të vazhdojë të ofrojë ndihmë afat-mesme në mënyrë që Ukraina të plotësojë nevojat e saj.

We will continue to be by Ukraine’s side – throughout this war and when they start rebuilding.

We are proposing new macro-financial assistance for Ukraine of up to €9 billion in 2022. pic.twitter.com/zC1dTTq49o

— Ursula von der Leyen (@vonderleyen) May 18, 2022

Presidenti i Ukrainës, Volodimir Zelenski ka shprehur mirënjohje për këtë mbështetje, duke shtuar se do ta ndihmojë Kievin të fitojë luftën dhe të kalojë pasojat e agresionit.

Grateful for the support package for 🇺🇦 announced today by @vonderleyen: a new € 9 billion macro-financial aid program and a 🇺🇦 Recovery Platform. Such support will help 🇺🇦 win the war, overcome the consequences of RF’s aggression & accelerate the movement towards #EU membership

— Володимир Зеленський (@ZelenskyyUa) May 18, 2022

Komisioni Evropian ka zbuluar edhe planin prej 210 miliardë euro për Evropën, në mënyrë që t’i jepet fund varësisë nga nafta dhe gazi rus prej vitit 2027.

Plani përfshin importimin e gazit nga vendet jo ruse, zëvendësimin me energji të rinovueshme si dhe përpjekje për të kursyes më shumë energji.

Masat pritet të kërkojnë 210 miliardë euro shtesë deri në 2027 dhe 300 miliardë euro të tjera deri në 2030.