BE shpreh “keqardhje” për planin e SHBA për të dyfishuar tarifat e çelikut

BE-ja ka thënë se i vjen keq për planin surprizë të Donald Trump për të dyfishuar tarifat e SHBA-së mbi çelikun dhe aluminin, një veprim që rrezikon t’i çojë bisedimet dypalëshe tregtare në kaos.

Të premten, presidenti amerikan tha në një tubim në qytetin e prodhimit të çelikut, Pittsburgh, se tarifat do të rriteshin nga 25% në 50%, duke pretenduar se kjo do të nxiste industrinë lokale dhe furnizimet kombëtare.

Komisioni Evropian i tha BBC-së të shtunën se masa e fundit e Trumpit mbi tarifat “minon përpjekjet e vazhdueshme” për të arritur një marrëveshje, duke paralajmëruar për “kundërmasa”.

Kjo ngre gjithashtu pyetje në lidhje me marrëveshjen zero tarifore të Mbretërisë së Bashkuar me SHBA-në për çelikun dhe aluminin, e cila, megjithëse është rënë dakord, nuk është nënshkruar ende.

LEXONI GJITHASHTU:

• Merz do të takohet me Trumpin në Shtëpinë e Bardhë, bisedime për luftën në Ukrainë
• Marrëveshja Kosovë-Danimarkë për të burgosurit, ngre shqetësime për transparencën