Zëvendëskryeministri i qeverisë së Kosovës, Besnik Bislimi kërkon nga ndërkombëtarët që të reagojnë për sulmin terrorist të Banjskës dhe të marrin masa ndëshkuese ndaj Serbisë.
Në një deklaratë për mediat, ai tha se gjatë vitit 2024, pret që institucionet e Bashkimit Europian të jenë më konkrete lidhur me masat që duhet të merren ndaj Serbisë për sjelljen destruktive.
Lidhur me reformat e qeverisë Kurti, ai deklaroi se arritja kryesore është liberalizimi i vizave për qytetarët. Ndërsa e ka cilësuar sukses te qeverisë arritjen e marrëveshjeve me Serbinë për targat dhe për çështjen e energjisë. Bislimi i shpreh se pas 20 vitesh qytetarët serbë në Veri do të paguajnë energjinë që konsumojnë, siç bëjnë gjithë qytetarët e shtetit të Kosovës.
Duke komentuar qëndrimet e Serbisë, ai tha se Beogradi ka zhvilluar fushata frikësimi ndaj qytetarëve dhe ka sulmuar hapur institucionet, mediat si dhe përfaqësuesit e misionit ushtarak, KFOR.
LEXONI GJITHASHTU:
- Bislimi thirrje shqiptarëve të Luginës: Votoni në zgjedhjet e së dielës në Serbi
- Bislimi: Nuk do ketë zgjedhje serbe në Veri në Kosovës këtë vit
