Begaj përkujton 75-vjetorin e Deklaratës Universale të të Drejtave të Njeriut

Presidenti i Republikës, Bajra Begaj, ka përkujtuar 75 vjetorin e krijimit të Deklaratës Universale të të Drejtave të Njeriut, një dokument themelor në historinë e njerëzimit.

Përmes një reagimi në Facebook, Begaj thotë se ky 75 vjetor përkon me zgjedhjen e Shqipërisë për herë të tretë si anëtare e Këshillit të të Drejtave të Njeriut në OKB.

Ai thotë gjithashtu se institucionet shqiptare do të vijojnë të mbrojnë dhe promovojnë të Drejtat e Njeriut për më shumë liri, drejtësi e barazi për të gjithë.

Reagimi i Begajt:

Deklarata Universale e të Drejtave të Njeriut, dokumenti themelor që ka shenjuar historinë e të drejtave të njeriut, përkon sot me 75-vjetorin e krijimit.

Deklarata e të Drejtave të Njeriut është ideali i përbashkët, për të cilin luftojnë ta arrijnë të gjithë popujt dhe kombet, që në mënyrë të sigurt çdo individ të gëzojë i barabartë dhe pa diskriminim liritë dhe të drejtat themelore njerëzore.

Është një përkim i bukur që në 75-vjetorin e saj, Shqipëria u zgjodh për herë të tretë anëtare e Këshillit të të Drejtave të Njeriut në OKB.

Institucionet tona do të vijojnë të mbrojnë dhe promovojnë të Drejtat e Njeriut për një botë me liri, drejtësi e barazi për të gjithë.

LEXONI GJITHASHTU:

• Arrestohet një person tjetër për vrasjen e Liridona Ademajt
• Të shtëna me armë zjarri në Korçë, çfarë raportohet