Presidenti i Republikës, Bajram Begaj, ka vizituar ditën e sotme Katedralen Ortodokse, ku dha dhe një mesazh urimi për të gjithë kombin shqiptar.
Në krah të Presidentit Begaj ka qenë edhe kreu i Kishtës Ortodokse shqiptare, Anastas Janullatos.
Gjatë fjalës së tij, Begaj ka thënë se kjo është një ditë e shenjtë që sjell shpresë dhe gëzim për të gjithë besimtarët.
Ndërsa Janullatos tha se dëshironte që të punonin me gjithë zemër për përparimin e vendit në këtë frymë Krishtlindjeje.
Janullatos: Jemi mirënjohës për presidentin, sepse gjithë këtë periudhë transmeton mesazhin e shpresës dhe dashurisë. Dëshirojmë të punojmë me gjithë zemrën tonë për përparimin e vendit në këtë frymë të krishtlindjes.
Begaj: Sot është një ditë e veçantë. Dita e Krishtlindjes, erdha për t’i uruar këtë ditë të shenjtë. Kjo është ditë e dritës hyjnore, sjell shpresë dhe gëzim për gjithë besimtarët dhe shqiptarët. Gëzuar, të kenë sa më shumë gëzime, begati dhe paqe të gjithë shqiptarët.
Janullatos: Dashuria dhe shpresa janë bashkë. Gëzuar për shumë vjet.
LEXONI GJITHASHTU:
- Presidenti Begaj dhe ministri Balla vizitë në Shtëpinë e të Moshuarve në Fier
- Presidenti Begaj i jep shtetësinë trajnerit Sylvinho: Po e legalizoj si shqiptar!
