Belgjika mat sot forcën me Portugalinë e Ronaldos

Ekipi i renditur në krye të listës botërore të kombëtareve, Belgjika dhe kampionia në fuqi e Evropës, Portugalia do të ndeshen sot në “Estadio de La Cartuja” në Spanjë.

Vëmendja do të jetë tek sulmuesi belg, Romelu Lukaku dhe kapiteni portugez, Cristiano Ronaldo, të cilët kanë shënuar të dy 8 gola në Euro 2020.

Ronaldo, që udhëheq deri tani renditjen e golashënuesve me 5 të tillë, është një gol larg vendosjes së rekordit të ri.

Belgjika edhe pse kryeson renditjen botërore të kombëtareve të FIFA-s ende nuk ka fituar asnjë kompeteticion të rëndësishëm.

Bashkë me Italinë dhe Holandën, ekipi i Roberto Martinez është një nga tre ekipet që kryesuan renditjen me pikë të plota në grupe.

Ndërsa Italia dhe Holanda kanë luajtur tre ndeshje në shtëpi, në Romë dhe Amsterdam respektivisht, Belgjika ka mundur Rusinë në  Shën Peterburg, Danimarkën në Kopenhagen dhe Finlandën në Shën Peterburg.

Kurse, Portugalia kaloi grupin si një nga katër ekipet e treta më të mira. Ata janë mundur nga Gjermania në Munih, fituan me Hungarinë dhe barazuan me kampionët e botës, Francën.

Që prej përfundimit të Kupës së Botës 2018, Lukaku ka shënuar 23 gola në 21 ndeshje me Belgjikën dhe ka ofruar katër asist.

Sulmuesi i Interit realizoi tre gola në fazën në grupe, mes të cilave dy ndaj Rusisë.

Ronaldo, 36 vjeç, është lojtari që ka shënuar më shumë në kampionatet evropiane (21 gola), ku me dy golat e shënuar ndaj Francës, kaloi Miroslav Klose me 19 gola.

Ky ishte 2-golëshi i dytë për Ronaldon në Euro 2020, ndërsa deri tani asnjë lojtar nuk ka arritur që të shënojë tripletë në një kampionat evropian.

LEXONI GJITHASHTU: 

• Gara në Euro 2020, receta e suksesit për Italinë
• Formacioni më i mirë i fazës së grupeve në Euro 2020
• Danimarka thyen Uellsin e Gareth Bale dhe kualifikohet në çerekfinale të Euro 2020