Belind Këlliçi e quan të nxituar deklaratën e Xhelal Mziut nga Dibra

Belind Këlliçi, kandidat për deputet në radhët e PD në Tiranë komentoi në Euronews Albania deklaratën e Xhelal Mziut nga Dibra.

Kandidati për deputet u shpreh se deklarata e Mziut ka qenë e nxitur, por është bërë në kushtet e të qenit emotiv.

“Ka pasur edhe një reagim të menjëhershëm edhe të zotit Mziu, ku ka kërkuar ndjesë publike. Ka qenë një deklaratë e nxituar, e bërë në kushtet e të qenit emotiv. Mos harroni që flitet për qarkun e Dibrës, ku dosja famëkeqe 184 ende nuk është zbardhur, ka një trysni të jashtëzakonshme dhe presion. Por në asnjë mënyrë nuk duhet bërë asnjë thirrje për të nxitur dhunë”, u shpreh Këlliçi.

Këlliçi shtoi më tej se grupet në terren “janë të rinj apo qytetarë të PD-së që i kanë sytë katër dhe janë të angazhuar për të parandaluar çdo fenomen që prek votën e qytetarëve”.

Xhelal Mziu gjatë një takimi elektoral ka deklaruar se qytetarët duhet të raportojnë te Strukturat e Mbrojtjes së Votës për çdo person të dyshimtë që lëviz në lagjet e tyre.

Mziu nëvizoi më tej se këta persona do ta pësojnë si rasti i Elbasanit, duke iu referuar kështu ngjarjes që ndodhi pak ditë më parë në lagjen “5 maji” ku humbi jetën Pjerin Xhuvani dhe u plagosën 4 persona të tjerë.

Por, nuk ka munguar edhe një reagim i menjëhershëm nga ana e tij, ku u shfaq i penduar për deklaratën e bërë.

Lexoni gjithashtu:

“Çdo person i dyshimtë do e pësojë si ai i Elbasanit”, Mziu shfaq shenja pendese për deklaratën para demokratëve