Benzema ngre padi kundër ministrit të Brendshëm francez

Ylli francez i futbollit, Karim Benzema, ka ngritur një padi për shpifje kundër ministrit të brendshëm të Francës, pasi e akuzon atë për lidhje me Vëllazërinë Myslimane, raportojnë mediat lokale.

Gérald Darmanin tha në tetor se Benzema “ka një lidhje famëkeqe” me grupin islamik mysliman sunit.

Komenti “minon” nderin dhe reputacionin e tij, tha avokati i Benzema.

Vëllazëria Myslimane është e ndaluar në disa vende, duke përfshirë Egjiptin, Rusinë dhe Arabinë Saudite.

Komenti i zotit Darmanin në tetor erdhi pasi lojtari postoi në Tëitter mbështetjen e tij për popullin e Gazës si “viktima përsëri të bombardimeve të padrejta që nuk kursejnë as gratë e as fëmijët”.

Duke vënë në dukje dështimin e tij për të shprehur simpatinë e ngjashme për rreth 1,300 viktimat izraelite që Hamasi vrau më 7 tetor, Darmanin tha se ish-sulmuesi francez ishte “i njohur për lidhjet e tij me Vëllazërinë Myslimane”.

“Ne po luftojmë hidrën që është Vëllazëria Myslimane, sepse ajo krijon një atmosferë xhihadizmi”, tha politikani për kanalin televiziv konservator CNeës.

Karim Benzema, 36 vjeç, i cili luan në Arabinë Saudite dhe është një mysliman, e mohoi menjëherë dhe kërcënoi me veprime ligjore kundër ministrit për shpifje.

Në ankesën e tij prej 92 faqesh, të raportuar gjerësisht në mediat franceze të martën, ai thotë se “kurrë nuk ka pasur as lidhjen më të vogël me organizatën Vëllazëria Myslimane, as me njohuritë (e tij) me këdo që pretendon se është anëtar i saj”.

Ish-ylli i Real Madridit shtoi: “Unë jam i vetëdijshëm për masën në të cilën, për shkak të famës sime, jam duke u përdorur në lojëra politike, të cilat janë edhe më skandaloze duke qenë se ngjarjet dramatike që nga 7 tetori meritojnë diçka krejtësisht të ndryshme nga kjo lloj deklarate”.

Darmanin ende nuk ka komentuar mbi ankesën.

Më parë ai ka vënë në shënjestër Karim Benzeman për arsye të tjera, duke përfshirë refuzimin e tij për të kënduar himnin kombëtar francez dhe “prozelitizimin e tij në rrjetet sociale”.

LEXONI GJITHASHTU:

• Man Utd synon De Ligt, Ten Hag i “mbyll” derën Benzema
• Benzema drejt Premier League, francezi në bisedime me klubin londinez