Berisha: Aksioni opozitar do vazhdojë. Greva e urisë, në momentin e duhur

Ish-kryeministri Sali Berisha tha në një komunikim me mediat se aksioni opozitar do të vazhdojë deri sa të garantohen të drejtat e deputetëve opozitar.

I pyetur nëse përshkallëzimi i aksionit do të vazhdojë deri në grevë urie, Berisha tha se ky veprim do të merret në kohën e duhur. Ai tha se tashmë kanë nisur konsultimet me anë të lëvizjes “opozita në veprim”, ku deputetët opozitar do takohen me bazën.

“Edi Rama bën luftë tani me kushtetutën, bën luftë me popullin opozitar, shkelmin mbi të drejtat e popullit opozitar, i tmerruar nga abuzimet që ka kryer me pushtetin e tij. Ai e di se komisionet parlamentare do i nxjerrin atij të gjitha të palarat, të gjitha aktet antikushtetuese të tij dhe si përfundim do të dorëzojë mandatin e do të shkojë në punë të vetë. Aksioni jonë do të jetë shumë transparent.

Sot parlamenti po ekziston vetëm si ndërtesë. Pjesa tjetër është grupi i fuqishëm që mbron opozitën, të tjerët struken si minjtë, prapa digjitale. Greva e urisë dhe çdo gjë tjetër do të merret në kohën e duhur. Është filluar një takim “opozita në veprim”, gatishmëria e qytetarëve është e jashtëzakonshme”,-tha Sali Berisha.

LEXONI GJITHASHTU:

• Stano për Euronews Albania: Drafti për Bashkësinë e Komunave Serbe nuk është publik!
• IDF thotë se ka kryer 4,300 sulme gjatë luftës