Berisha: Bojkoti, vendim i rëndësishëm për të mos lejuar shuarjen e universiteteve

Kryetari i Partisë Demokratike, Sali Berisha mbështeti protestën e pedagogëve të universiteteve publike në vend.

Në një deklaratë për mediat të hënën, Berisha u shpreh se bojkoti i mësimit nga pedagogët është një vendim i rëndësishëm për të kthyer dinjitetin dhe për të mos lejuar shuarjen e universiteteve

“Sot, universitetet e vendit ishin në grevë. Dhe unë dua të përshëndes përzemërsisht të gjithë ata punonjësve të universiteteve dhe studentë që u përgjigjën thirrjes së sindikatave të tyre për të nisur një grevë të fuqishme e cila ka objektiv kryesor realizimin e kërkesave të ligjshme të sindikatës së universiteteve. Pas qëndrimit cinik, arrogant të papërgjegjshëm të qeverisë, sindikata vendosi të thërrasë për bojkot të mësimeve në universitetet e vendit. Ky vendim është një vendim i jashtëzakonisht i rëndësishëm i cili synon të parandalojë shuarjen e universiteteve tona. Pedagogët, studentët dhe punonjësit e universiteteve asgjë tjetër veçse ato që sot gëzojnë kolegët e tyre të Universitetit të Prishtinës. Sot në Universitetin e Prishtinës, pagat janë afërsisht dy herë më të larta se sa në Universitetin e Tiranës”, tha Berisha.

LEXONI GJITHASHTU:

• Protesta e pedagogëve në rrethe, Korça dhe Vlora bojkotojnë
• Pedagogët paralajmërojnë protesta të përditshme: Fjalën e fundit e presim nga Rama