Berisha: Cenimin më të madh të sigurisë kombëtare e ka bërë Rama

Kreu i Partisë Demokratike, Sali Berisha shprehet se cenimin më të madh të sigurisë kombëtare e ka bërë Edi Rama.

Gjatë një konference për mediat Berisha u shpreh se projekti i Ballkanit të Hapur është një projekt serbo-rus që mbështetet edhe nga kryeministri shqiptar, Edi Rama.

“Jam këtu për të deklaruar se kërcënimin më të madh në këto vite ndaj sigurisë kombëtare me akte madhore e ka bërë personalisht Edi Rama. Sherbimet serbe dhe ruse janë sintoni të plotë, në bashkëpunim të ngushtë. Putin i madh dhe i vogël janë një unitet përjetëzisht i pazgjidhshëm. Ka një projekt tjetër madhor për Ballkanin, projekt serbo-rus dhe ky është Ballkani i Hapur. Shqiptarët e dinë se ky projekt u mbështet nga ministri i Jashtëm rus Lavror. Ky projekt mbështetet edhe nga vasali i Vuçiç në Tiranë, Edi Rama. A nuk është ky një akt kërcënimi madhor i sigurisë kombëtare nga Edi Rama?”, u shpreh Berisha.

LEXONI GJITHASHTU:

• Çfarë ka brenda uzina e Gramshit, studiuesi: Banorët kanë të drejtë të shqetësohen
• 2 ditë pas sulmit, banorë të frikësuar. Euronews Albania në uzinën e Gramshit