Berisha: Do e dërgojmë në Gjykatën Kushtetuese ligjin për Barazinë Gjinore

Kreu i Partisë Demokratike, Sali Berisha gjatë fjalës së tij në një bashkëbisedim me qytetarët në rrjetet sociale ka paralajmëruar këtë të shtunë se PD do të ankimojë në Gjykatën Kushtetuese ligjin për Barazinë Gjinore.

“Ligji, më duhet t’u them shqiptarëve se është ligji i konsolidimit të një diktature të shëmtuar. Ky ligj nuk shkonfiguron vetëm familjen, që është gjëja më e rëndë që mund t’i ndodhë një personi dhe kombi.

Por ky ligj instalon censurën. Ky ligj, njëlloj si në diktaturën komuniste, kërkon që i akuzuari të provojë se po akuzohet pa fakte dhe kot dhe jo ai që akuzon të paraqesë faktet.

Kjo është njëlloj si në kohën e Partisë së Punës që të akuzonin si armik dhe duhet të provoje që nuk ishe armik. Ligjin do e çojmë në Gjykatë Kushtetuese, por mos prisni ndonjë gjë se Gjykata Kushtetuese ka faktuar se është në kontroll, në tërësi jo në çdo akt.

Ne do bëjmë gjithçka që ta zbërthejmë, ta qartësojmë para çdo qytetari këtë ligj dhe të kërkojmë referendum për abrogimin e tij”, tha ai.

Kujtojmë që parlamenti miratoi me datë 6 nëntor ligjin për barazinë gjinore, me 77 vota pro dhe 36 kundër kundër, ndërsa për këtë çështje pati një debat të madh në opinionin publik.

LEXONI GJITHASHTU:

• Berisha: Të ngrihemi në protesta, vetëm kështu mund ta rrëzojmë këtë qeveri
• Hodhi çantën me drogë në lumin Drin, arrestohet 43-vjeçari në Lezhë