Berisha i shkoi poshtë zyrës, reagon Veliaj: E ftoj të vijë sërish në 15 Maj

Kryebashkiaku Erion Veliaj, ka reaguar në lidhje me deklaratat që kreu i PD-së Sali Berisha, bëri me megafon nga ambientet e jashtme të Bashkisë së Tiranës.

Veliaj përmes një postimi ironizues në Tëitter e cilësoi Berishën si “kandidatin e vërtetë” për bashkinë e Tiranës, dhe e fton që në 15 maj të shkoj sërish në ambiuentet e Bashkisë që ta falenderoj për garën.

“Falenderoj kandidatin për kryetar bashkie të Tiranës – nga koha e kioskave në Lanë e parqe – Sali Berishën për vizitën tek dera e bashkisë! Më në fund një kandidat gjysmë-komik e gjysmë-serioz, sesa një tërësisht komik! E ftoj te vijë serish në 15 Maj ta falënderoj për garën!”, shkruan Veliaj.

Kujtojmë se gjatë marshimit përgjatë institucioneve kryesore të vendit, Berisha u ndal dhe te Bashkia e Tiranës, ku i tha kryebashkiakut Erion Veliaj se revolucioni demokratik do të merret edhe me atë.

LEXONI GJITHASHTU:

• Berisha me megafon në dyert e Bashkisë: Veliaj, revolucioni do flasë edhe me ty
• Berisha lëvizje të pazakontë, shkon në dyert e institucioneve. Mesazhi që jep
• VIDEO/Me flamur në dorë Berisha hipën mbi bunkerin te Ministria e Brendshme