Berisha: Jemi buzë gremine, protesta e pedagogëve për t’u admiruar

Sali Berisha ka mbajtur një deklaratë para studentëve duke ju kujtuar se pedagogët e tyre po luftojnë për të ardhmen.

Duke krahasuar rrogat e Kosovës në sektorin e arsimit, kreu i Partisë Demokratike bëri thirrje që studentët të mbështesin pedagogët e tyre.

“Merreni me mend pse duhet të marrë një pedagog i UT 600 euro dhe një pedagog i Prishtinës 1200 euro? Ka Kosova buxhet më të madh se Shqipëria? Jo, Shqipëria e ka më të madh buxhetin. Por kryeministri i Kosovës nuk udhëton me avion-taksi, ministrat nuk udhëtojnë me helikopter-taksi, nuk blejnë instalacione druri 4 mln euro, nuk krijojnë ndërmarrje fantazmë të vetat për 420 mln euro djegësa. Pra, këtu janë të gjitha, kërkesat e tyre janë absolutisht të drejta dhe të plotësueshme,” u shpreh Berisha.

Kryedemokrati solli në vëmendje se 40% rroga është indeksimi me inflacionin e 8 viteve. Sipas tij nëse paga e pedagogëve rritet me 40% ata do të marrin de facto sa kanë marrë në vitin 2013 në raport me fuqinë blerëse.

LEXONI GJITHASHTU:

• Berisha për protestën e pedagogëve: Jepini përgjigjen e merituar regjimit të Ramës
• Berisha: Qytetarët të vazhdojnë protestat për vdekjen e Lear Kurtit