Berisha: Korrupsioni qeveritar shqiptar dhe ai ndërkombëtar u bënë një

Kreu i Partisë Demokratike, Sali Berisha deklaroi se nuk ka ndodhur ndoonjëherë në Europë që korrupsioni qeveritar shqiptar dhe ai ndërkombëtar të bëhen një.

Sipas Berishës synimi i këtij bashkimi është luftimi dhe asgjësimi i forcës politike pro perëndimore të Shqipërisë.

“Për të luftuar, asgjësuar forcën politike e cila në pushtet luftoi me zero tolerancë krimin, luftoi me një betejë të vendosur korrupsionin. Në opozitë vazhdoi denoncimin e të gjitha vjedhjeve, lidhjeve të qeveritarëve me krimin. Për këtë qëllim kjo forcë opozitare duhej heshtur, asgjësuar, arkivuar,” – u shpreh Berisha.

Kryedemokrati theksoi se tashmë në Shqipëri po jetohet monizmi për herë të dytë. Sipas tij, ndryshe nga monizmi bazuar në luftën e klasave, monizmi sot bazohet te krimi, sundimi i korrupsionit dhe drogës.

LEXONI GJITHASHTU:

• Berisha: Nëse nuk do vidhej, shqiptarët të merrnin dyfishin e rrogës
• ‘Revolucioni’, Spahiu: S’do ulin njerëzit qepenat që të vijë Berisha në pushtet