Berisha mban një minutë zi: Zef Deda ia kushtoi dhuntinë e tij të vërtetave të artit

Sali Berisha ka mbajtur një minutë heshtje për vdekjen e të aktorit të madh të humorit Zef Deda në moshën  73-vjeçare .

Në fjalën e tij në një dalje për mediat ai tha se sot është një ditë zie për artin, skenën, Shkodrën dhe gjithë Shqipërinë.

Gjithashtu ai theksoi se Zef Deda ishte një artist që të gjithë dhuntinë e tij, ia kushtoi në çdo kohë të vërtetave të mëdha të artit dhe shoqërisë

“Sot është një ditë zie për artin, skenën, Shkodrën dhe artdashësit e mbarë Shqipërisë, mbasi dielli perëndoi përgjithmonë për artistin e mirënjohur, e talentuar, Zef Dedën.
Zef Deda ishte një artist që të gjithë dhuntinë e tij, ia kushtoi në çdo kohë të vërtetave të mëdha të artit dhe shoqërisë.

Ai ndahet nga jeta para kohe, pra, duke pasur mundësi për të kapur maja të tjera në skenë dhe art.

Por, mbetet i pavdekshëm me trashëgiminë e tij të shkëlqyer që lë.
Ndaj dhe unë shpreh ngushëllimet më të ndjera familjes, të afërmve, komunitetit artistik dhe qytetarëve të Shkodrës dhe të mbarë Shqipërisë për këtë humbje të madhe”-tha Berisha.

LEXONI GJITHASHTU: 

• Basha, mesazh ngushëllimi për ndarjen nga jeta të aktorit të madh Zef Deda
• Bashkia Shkodër: Zef Deda la pas një rol të pazëvëndësueshëm në skenat shqiptare