Basha, mesazh ngushëllimi për ndarjen nga jeta të aktorit të madh Zef Deda

Lulzim Basha ka reaguar për vdekjen e të aktorit të madh të humorit Zef Deda në moshën 73-vjeçare.

Në një postim që ka bërë në rrjetet sociale, ai tha se sot është  një humbje e madhe për artin shqiptar, për artëdashësit e në veçanti për Shkodrën, shpirtin e të cilës Zef Deda e mishëronte me një stil që do të mbetet i pavdekshëm.

“Lamtumirë Zef Deda! Mjeshtri i madh i humorit, që me talentin gjenial u dhuroi buzëqeshje shqiptarëve në kohë të mira e në kohë të vështira, si ato të diktaturës. Një humbje e madhe për artin shqiptar, për artëdashësit e në veçanti për Shkodrën, shpirtin e të cilës Zef Deda e mishëronte me një stil që do të mbetet i pavdekshëm. Ngushëllime të sinqerta familjes Deda, kolegëve, miqve dhe dashamirësve të shumtë të Zefit. U prehtë në paqe”- shkruan ai.

LEXONI GJITHASHTU: 

• Balluku: Përmirësim të infrastrukturës së burgjeve, rritje page 10% për punonjësit
• “Ushtria ruse në Bosnje”- Eksperti i sigurisë: Frika e Zelensky po vërtetohet