Berisha: Nuk ka pasur asnjë urdhër për të firmosur për Endri Shabanin

Kreu i Partisë Demokratike, Sali Berisha ka rrëzuar pretendimet e Flamur Nokës, i cili pretendon se ka qenë Ervin Salianji që u ka dhënë urdhër deptuetëve për të firmosur në mbështetje të Endrit Shabanit.

Në fjalën e tij, Berisha theksoi se nuk ka pasur asnjë urdhër për të firmosur për Shabanin dhe se firmat janë dhënë në kuadër të kolaicionit të krijuar për zgjedhjet e bashkisë së Tiranës.

“Kandidatura e Endri Shabanit nuk është firmosur me urdhër. Për këtë ju garantoj.  Nuk ka patur një urdhër nga drejtues të PD-së që të firmosin. Firmosja e saj ka ardhur në kontekstin e klimës së krijuar nga bashkëpunimi për bashkinë e Tiranës.

Ka patur më shumë të interesuar, ka patur më pak të interesuar, ka patur që kanë refuzuar, të gjitha këto janë reale.  Por asnjë urdhër nuk ka patur që të firmoset Endri Shabani. Ndaj dhe kjo është e vërteta për të. Firmat ishin gabim, akt i nxituar. Zgjedhja e tij nuk ka asnjë lidhje me firmat”, tha Berisha.