Berisha: Pas Bjellorusisë, Shqipëria i vetmi vend në Europë me regjim monist

Kryetari i Partisë Demokratike, Sali Berisha thotë se Shqipëria është i vendi i vetëm në Europë pas Bjellorusisë, që drejtohet nga një regjim monist.

Gjatë fjalës së tij në takimin me përfaqësues të biznesit të vogël, Berisha deklaroi se çdo institucion shtetëror është i kapur nga qeveria e kryeministrit Edi Rama.

“Pas Bjellorusisë së Lukashenkos, ne jemi absolutisht vendi i vetëm në Europë me regjim krejtësisht monist. Si kurrë ndonjëherë, duke filluar nga portieri i ministrisë tek ministri. Nga portieri i çdo institucioni shtetëror të pavarur, tek titullari.

Nga portieri i gjykatës te kryetari i Gjyaktës së Lartë, Gjykatës Kushtetuese, institucioneve të drejtësisë. Të gjithë pa përjashtim janë në duart e jnë partie. Jemi kthyer në monizëm. Një regjim që bazohet në uzurpimin total të pushteteve nga një parti”, tha Berisha.

Sipas tij, nëse nuk do të ketë protesta ndaj qeverisë, gjendja në vend do të bëhet edhe me e keqe.

LEXONI GJITHASHTU

• Berisha: Programin e PD-së për paketën fiskale do e hartojë biznesi i vogël