Berisha për primaret: Përbëjnë ndryshimin thelbësor të PD-së

Kreu i Partisë Demokratike Sali Berisha deklaroi se primaret janë tashmë pasaporta e hapjes dhe ndryshimit thelbësor të PD-së.

“Ato kanë krijuar një impakt shumë pozitiv tek anëtarët dhe simpatizantët tanë, por në përgjithësi tek të gjithë shqiptarët që besojnë tek vota e lirë, dhe respekti tek individi. Shqiptarët kanë nevojë jetike për ndryshimin e PD-së, si parti e shpresës, besimit dhe të ardhmes. Ndryshimi natyrisht realizohet vetëm me vepra, me hapa konkretë,” – u shpreh Berisha.

Ai diskutoi për miratimin në vazhdim të kandidaturave për primare në bashkitë e mbetura dhe aksionit opozitar në tërësi.

Kryedemokrati tha se ka mbi 200 kandidatura të cilat vijnë nga PD, shoqëria civile, bota akademike, por edhe nga diaspora dhe emigracioni.

LEXONI GJITHASHTU:

• Buxheti “bashkon” PD-në, Berisha prezanton 23 amendamente
• Porti i Durrësit, Berisha: Kompania gjermane kërcënon me arbitrazh, rrezikohet gjobë