Berisha për protestën e 12 nëntorit: Qeveria s’merr vesh me gjuhë tjetër

Kreu i Partisë Demokratike, Sali Berisha ishte në një takim me Frontin për Shpëtimin Kombëtar.

Ai foli për 12 nëntorin, ditën e protestës kombëtare të PD-së, që e cilësoi si siparin e një përballje të vërtetë me pushtetin.

Sipas tij, kjo qeveri nuk merr vesh asnjë gjuhë tjetër veç protestave.

“Biznesi i vogël paguan çmimet më të larta për energjinë në Europë. Një taksë tjetër e pret në janar. Kryeministri shëtit me avion taksi dhe dhomë gjumi në të katër anët e globit, duke u bërë kryeministri më i kushtueshëm në Europë. Në këto kushte është e vonuar protesta e 12 nëntorit dhe unë kam bindjen më të thellë se vetëm me protesta ne duhet të flasim me këtë qeveri. Ko gjuhë tjetër nuk njeh, gjuhë tjetër nuk merr vesh. Ndaj dhe është thirrur protesta e 12 nëntorit për të çelur siparin e një përballjeje të vërtetë me këta qeveritarë të cilët nuk kanë të ndalur,” – u shpreh kryedemokrati.

Berisha foli ndër të tjera edhe për primaret të cilat i konsideroi një proces jetik për Shqipërinë. Ai ftoi shoqërinë civile të bëhet pjesë e garës me mesazhin se nuk ka të ardhme pa votë të lirë.

LEXONI GJITHASHTU:

• Çfarë e detyroi Berishën të shtynte afatin e primareve?
• Berisha: Rama ka vjedhur 8.2 miliardë euro, Shqipëria drejt falimentimit
• Rama sulmon Berishën: Është llum, nuk i duhet këtij vendi