Ish-kryeministri Sali Berisha ka përkujtuar 33-vjetorin e pavarësisë së Ukrainës, përmes një postimi në rrjetet sociale.
Në reagimin e tij Berisha uron Ukrainën për këtë përvjetor dhe thotë se kjo festë e gjeti vendin në luftë me pushtuesin rus.
Duke e cilësuar presidentin e Rusisë, Vladimir Putin si Hitlerin e Europës moderne, Berisha ndan edhe mesazhin e Ambasadorit të Ukrainës në Shqipëri për këtë ditë të veçantë.
Postimi i Berishës:
Sot 33 vjetori i Pavarësisë së Ukrainës!
Të dashur miq, kombi martir i Ukrainës kremton sot 33 vjetorin e Pavarësisë. Pavarësia e Ukrainës ishte akti më madhor në historinë e gjatë të kombit të saj. Ky akt shënonte realizimin e aspiratave shekullore të ukrainasve për liri dhe dinjitet kombëtar dhe fundin e pushtimit imperial rus të Ukrainës.
Sot ky përvjetor gjen kombin e Ukrainës nën udhëheqjen e Presidentit Zelenski në një luftë dhe përballje me agresionin barbar rus të Vladimir Putinit. Mijëra bijë dhe bija të Ukrainës kanë luftuar dhe rënë heroikisht në fushë betejë për mbrojtjen e vendit të tyre, por dhe të mbarë europës nga pushtuesit rus!
Duke shprehur në emër të Partisë Demokratike urimet më të mira për kombin mik ukarinas dhe autoritetet e tij për festën e pavarësisë dhe fitore ndaj agresionit të Hitlerit të sotëm të Europës, ju ftoj të lexoni mesazhin e Ambasadorit të Ukrainës në Republikën e Shqipërisë Z. Volodymyr Shkurov:
Ju përgëzoj përzemërsisht festën kryesore kombëtare të popullit tonë – Ditën e Pavarësisë së Ukrainës!
33 vjet më parë, populli ynë miratoi ndërtimin e një shteti sovran dhe vetëqeverisje, të pavarur dhe të hapur, demokratik dhe ligjor të Ukrainës. Në jetën e shoqërisë ukrainase, ndodhi një ngjarje e madhe, aspirata e miliona bashkëqytetarëve tanë për të jetuar në shtetin e tyre të lirë dhe demokratik dhe megjithëse procesi i ndërtimit të shtetit ukrainas ishte objektivisht i vështirë, Ukraina ka arritur lartësi të rëndësishme në të gjitha aspektet e rivendosjes së pavarësisë së saj.
Ekonomi dhe industri e fuqishme, ndërtimi dhe transporti, kompleks agro-industrial, teknologji të prerjes, kulturë, mjekësi dhe arsim, rini e talentuar dhe ambicioze dhe një popull që aspiron të jetojë përsëri, i çliruar nga rruga e së kaluarës totalitare.
Por pengesë ishte lufta e Rusisë kundër shtetit tonë me pushtimin cinik të territorit ukrainas, sulmet me raketa dhe dronë mbi qytetet dhe fshatrat ukrainase, vdekjet dhe shkatërrimet e shtëpive paqësore, objekteve industriale dhe infrastrukturore, spitaleve, teatrove, muzeve, shkollave dhe kopshteve, vrasjet dhe abuzimet e civilëve.
Ditën e Pavarësisë këtë vit e festojmë në ditën e 913-të të luftës së tmerrshme me ndjenjën e mirënjohjes ndaj mijëra ukrainasve që me koston e jetës së vet mbrojnë shtetin tonë në front.
Ne sot kujtojmë me trishtim dhe mirënjohje të pakufishme ata që vunë jetën në mbrojtje të shtetit ukrainas dhe popullit tonë nga okupatori. I përjetshëm qoftë kujtimi, mirënjohja jonë e pafundme për të gjithë të rënët për pavarësinë e atdheut dhe lirinë e popullit tonë.
Urime të gjithëve për Ditën e Pavarësisë! Ju uroj secilit familjarisht, fitore mbi agresorin, qiej paqësorë, takime të ngrohta me familjen dhe njerëzit e dashur, e ardhme e lumtur për Ukrainën e lirë, të begatë.
Urime për Ditën e Pavarësisë!
Nga Ambasadori i Ukrainës në Republikën e Shqipërisë Volodymyr Shkurov
LEXONI GJITHASHTU:
- Argita Malltezi: SPAK ka bërë 4 raportime, ende asnjë veprim hetimor për Berishën
- Pakt me Ramën? Berisha flet për herë të parë për Kodin Zgjedhor: Nuk ishte reformë
