Berisha: Portin e Durrësit po e merr klani Rama-Vuçiç me Llukashenkon e Bjellorusisë

Kryetari i Partisë Demokratike Sali Berisha ka folur në Kuvend për Portin e Durrësit.

Ai akuzon se kryeministri Edi Rama po sjell me procedurë urgjente po sjellin në parlament ligjin e privatizimit për veten e tij dhe Aleksandër Vuçiç të Portit të Durrësit.

“Porti i Durrësit ka një territor 1.2 milionë metër katror. Porti i Durrësit përbën si truall ndërtimi me vlerë minimumi 3 miliardë Euro. Porti i Durrësit i zhvilluar në ndërtime siç pretendon ai Dubai City, mund të shkojë në vlerë edhe 3 miliardë të tjera. Por kush janë këta që marrin portin? A ka shqiptarë që e dinë? Jo,” – u shpreh kryedemokrati.

Berisha u bëri thirrje durrsakëve të pyesin, se kush janë personat që po marrin portin, pasurinë publike shqiptare.

“Ua them unë kush e merr. E merr një kompani në pamje të parë emiratesh, por në pamje të parë në thelb, Edi Rama, Aleksandër Vuçiç, Nebojsha dhe Dragomir Karriç, pra kompanitë e vëllezërve Karriç të cilët të gjithë aksionet i kanë me Llukashenkon e Bjellorusisë,” – u shpreh kreu i PD-së.

LEXONI GJITHASHTU:

• Spahiu: Berisha të mbajë përgjegjësi për çdo largim nga PD
• Berisha paralajmëron protestë para Kuvendit
• A do futen protestuesit në Kryeministri? Berisha tregon skenarin për 12 nëntorin