Kreu i PD, Sali Berisha mblodhi mbrëmjen e së enjtes kryesinë e partisë. Berisha akuzoi kryeministrin Edi Rama se me përfshirjen e tij në skandalin e ish-zyrtarit të FBI ka kryer një krim të baravartë me një grusht shteti.

“Vizitat private në Shqipëri, duke qenë në detyrë, takimet e tij të fshehta të Charles McGonigal me Edi Ramën, angazhimi i tij me pagesë për të sharruar shtyllën kryesore të rendit demokratik, që është pluralizmi politik, për të shkatërruar opozitën për hir të pushtetit të Edi Ramës, është një krim i përmasave makabër. Është një veprim i barabartë, me një grusht shteti, kur puçistët vendosin të shuajnë pluralizmin.

Është një veprim i cili përveç aktit që bën ndaj vendit mik, përdor për të instaluar monizmin dhe fake opozitën në Shqipëri”, tha Berisha.

LEXONI GJITHASHTU:

• 3 skenarë për protestën| Çfarë po planifikon Berisha për të enjten
• Të arrestohet Berisha, Milaim Zeka bën thirrjen e fortë për drejtësinë