Berisha reagon në Tik-Tok për protestën në bulevard: Jemi njerëz të rekordeve

Kreu i Partisë Demokratike, Sali Berisha ka zgjedhur rrjetin social Tik-Tok për të reaguar lidhur me protestën e organizuar një ditë më parë nga opozita.

Berisha falënderon qytetarët, që siç shprehet, ‘zbukuruan aq madhërishëm bulevardin me pjesëmarrjen e jashtëzakonshme’, ndërsa nuk harron të falënderojë edhe ndjekësit e tij në Tik-Tok.

“Një përshëndetje të përzemërt dhe mirënjohje të pakufishme, për të gjithë ju, për të gjithë qytetarët që mbushën, zbukuruan aq madhërishëm Bulevardin dje me pjesëmarrjen tuaj në protestën më të jashtëzakonshme që Tirana ka njohur! Por, në këtë mesazh dua gjithashtu një falenderim dhe mirënjohje të përzemërt për të gjithë ju miqtë e TikTok që në 30 ditë e shndërruat në një histori suksesi komunikimin tonë me 1.3M shikime dhe dhjetëra e mijëra ndjekës. Së bashku ne jemi njerëz të rekordeve të mira. Treni ynë nuk ndalet më. Ai do kalojë nga një stacion fitoreje në një stacion tjetër, deri në destinacionin final. Shpëtimin e Shqipërisë, për ju, të ardhmen tuaj dhe për të gjithë shqiptarët”, shprehet Berisha.

LEXONI GJITHASHTU:

• “Çfarë kërkoi Meta dhe Berisha?”, Ngjela: Protesta e sotme nuk bëri lajm
• Berisha valëvit flamurin kombëtar pas përfundimit të protestës