Kryetari i Partisë Demokratike, Sali Berisha i ka bërë thirrje mjekëve që të bëjnë gjithçka për t’u përballur me qeverisjen e kryeministrit Edi Rama, të cilën ai e konsideron si regjim.

Gjatë fjalës së tij në tryezën e diskutimit për problemet e sistemit shëndetësor, Berisha tha se humanizmi, integriteti dhe kontriburi i mjekëve do të shërbejë si frymëzim për këtë përpjekje.

“Ju bëj thirrje, mjeke e mjekë të pranishëm. Ju bëj thirrje të organizohemi, të bëjmë gjithçka dhe t’i përgjigjemi këti regjimi me të gjithë guximin tonë. Unë kam besim se humanizmi juaj, integriteti, kontributi do të jenë frymëzim për ju që të ndërmarrim këtë përpjekje të madhe. Do të jenë frymëzim për bashkëpunëtorët tuaj, për punonjësit e shëndetësisë në mbarë Shqipërinë”, tha Berisha.

Sipas kryedemokratit, rrogat e mjekëve mund të rriteshin katër herë, me borxhin e marrë nga qeveria këto nëntë vite.

LEXONI GJITHASHTU

• Berisha: Qeveria përçmon mjekët, rrogat e tyre mund të rriteshin katër herë
• Ikja e vazhdueshme e mjekëve dhe nevoja për rikthimin e tyre në Shqipëri
• Reagojnë mjekët pas deklaratës së zv. ministres së Shëndetësisë