Berisha: Tre veprimet që do ndërmarrim kundër mega-aferës së Portit të Durrësit

Kreu i PD-së Sali Berisha ka treguar tre veprimet që do të ndërmarrin për të penguar realizimin e projektit të Portit të Durrësit, që u miratua me votat e mazhorancës pak ditë më parë.

Në një komunikim me qytetarët ai tha se do të krijojnë një Komision Hetimor, kanë dërguar në Kushtetuese marrëveshjen për projektin si dhe do ta kundërshtojnë me mosbindje civile në të gjitha format.

“Problemi me Portin e Durrësit, për të cilin u votua që të vidhet mesnatën e të enjtes që kaloi, është një problem madhor. Së pari, ne kemi dërguar në Kushtetuese marrëveshjen, së dyti do krijojmë një Komision Hetimor, së treti do qëndrojmë me mosbindje civile dhe të gjitha format. Së fundmi, u bëj thirrje qytetarëve dhe kompanive që të qëndrojnë larg kësaj mega-afere. Asgjë nuk dihet t’i joshë ata për të investuar, për t’u mashtruar nga ndërtimet në këtë shesh”- theksoi Berisha.

LEXONI GJITHASHTU: 

• Mbledhja e dy kuvendeve, Berisha: Rama vasal i Vuçiç, s’mund të paraqitet si patriot
• Berisha zbulon ekipin që mbështet në kampionatin botëror