Berlin, 65 policë të plagosur në protestat kundër bombardimeve në Gazë

Të paktën 65 policë u plagosën gjatë natës në Berlin gjatë protestave kundër bombardimeve izraelite në Rripin e Gazës, njoftuan autoritetet gjermane.

Oficerët e policisë janë “plagosur nga gurët, bomba molotovë dhe rezistenca”, njofton policia e Berlinit në platformën X (Twitter), raporton “Guardian”.

Një zëdhënëse e policisë tha se 174 persona u arrestuan, duke përfshirë 65 të cilët do të hetohen.

Protesta nisi mbrëmë vonë në Neukölln, një lagje me një komunitet të madh arab.

E përditshmja “Bild” njoftoi se protestuesit ishin organizuar në platformën Telegram për ta kthyer Neukölln në Gaza dhe për të djegur gjithçka.

LEXONI GJITHASHTU:

• Palestinezi: Vajta me familjen në Gaza, u bllokuam nga sulmet
• OKB: Gaza ka nevojë për 100 kamionë ndihma humanitare në ditë